ഡയറക്ടര് - പാസ്റ്റര് പി.എം. ജോയി
റീജിയന് ഡയറക്ടര് ആയി നിയമിതനായ പാസ്റ്റര് പി.എം. ജോയി ബഹ്റിന് അസംബ്ലീസ് ഓഫ് ഗോഡ് സഭയുടെ സീനിയര് ശുശ്രൂഷകനാണ്. ജോലിക്കായി ബഹ്റിനിലെത്തിയ അദ്ദേഹം സഭാ പ്രവര്ത്തനങ്ങള് ആരംഭിച്ചതിന്റെ അമ്പതാം വര്ഷമാണിത്. പാസ്റ്റര് പി.എം. ജോയി 1981 മുതല് ബഹ്റിന് എ.ജി.യുടെ ശുശ്രൂഷകനായി പ്രവര്ത്തിക്കുന്നു. അഞ്ചല് എ.ജി. സഭാംഗമാണ്.
ഭാര്യ പരേതയായ മേഴ്സി ജോയി. മക്കള്: ഗ്ലാഡ്സി ഡെന്നി (ബാംഗ്ലൂര്), ജിന്സി മാത്യു (ഡാളസ്), പാസ്റ്റര് ഗിബ്സൺ ജോയി (ലക്നൗ). മരുമക്കള്: പാസ്റ്റര് ഡെന്നി സാം, അജിത് മാത്യു, ജാനറ്റ് ജോയി.
സെക്രട്ടറി - പാസ്റ്റര് സഖറിയ എബ്രഹാം (സാബു)
സെക്രട്ടറിയായി നിയമിതനായ പാസ്റ്റര് സഖറിയ എബ്രഹാം (സാബു) ദുബായ് ശാലേം എ.ജി. സഭയുടെ സീനിയര് ശുശ്രൂഷകനാണ്. ജോലിയോടുള്ള ബന്ധത്തില് ദുബായിയിലെത്തി ജോലിക്കൊപ്പം സഭാ പ്രവര്ത്തനങ്ങളില് സജീവമാവുകയായിരുന്നു. യു.എ.ഇ. യുണൈറ്റഡ് പെന്തക്കോസ്ത് ഫെലോഷിപ്പിന്റെ പ്രസിഡന്റും പാസ്റ്റര് സഖറിയ എബ്രഹാമാണ്. എ.ജി. യു.എ.ഇ. സെക്ഷന് കോര്ഡിനേറ്ററുമായ പാസ്റ്റര് സഖറിയ എബ്രഹാം പത്തനാപുരം എ.ജി. ഗോസ്പല് സെന്റര് അംഗമാണ്.
ഭാര്യ: സാലി സഖറിയ, മക്കള്: സൂസന്, ഷാരോണ്, സ്റ്റീവ്. മരുമക്കള്: രഞ്ജു രാജു, ലിനോയി കുര്യന്, അറ്റാല.
ട്രഷറാര് - പാസ്റ്റര് പി.എം. ജോര്ജ്
ട്രഷറാര് പാസ്റ്റര് പി.എം. ജോര്ജ്, ഖത്തര് (ദോഹ) ബഥേല് എ.ജി. സഭയുടെ സീനിയര് ശുശ്രൂഷകനാണ്. ജോലിയോടൊപ്പം പാസ്റ്റര് പി.എം. ജോര്ജ് സുവിശേഷ പ്രവര്ത്തനങ്ങളില് സജീവമായ ഇടപെടലുകള് നടത്തി വരുന്നു. ഖത്തര് സെക്ഷന് കോര്ഡിനേറ്ററായും പ്രവര്ത്തിക്കുന്നു. തടിയൂര് എ.ജി. സഭാംഗമാണ്.
ഭാര്യ: ജെസി ജോര്ജ്, മക്കള്: ശീലാസ്, ഷാരോണ്. മരുമക്കള്: ജെഫി, സാം.